سەھرالارغا بېرىپ كېلىڭلار!
ئېتىزلارنى كۆرمىگەنلەر، كۆرۈپ كېلىڭلار!
سىلەرنىڭمۇ ئەجدادىڭلار دېقاندۇ بەلكى،
سەھرالاردىن تەكتىڭلارنى بىلىپ كېلىڭلار.
بېرىپ كېلىڭلار، سەھرالارغا بېرىپ كېلىڭلار!

چىشىڭلارغا دورا بەلكى دېھقاننىڭ نېنى،
ئۆيلىرىدە قورۇنماستىن قونۇپ كېلىڭلار.
سەھرا كۆرمەي شەھەرلىكلەر شۈكۈرلىك بولماس،
ھەر يىللىقى ھەپتە-ئون كۈن تۇرۇپ كېلىڭلار.

بىللە بارسۇن نان ئىلغىغان بالىلىرىڭلار،
ئېڭىزلاردىن كۈزدە باشاق تېرىپ كېلىڭلار.
شەھەرلەردە ئۇنتۇلمىسۇن ئەسلى زاتىڭلار،
دېھقان دېگەن كىم بولىدۇ تونۇپ كېلىڭلار.

سەھرا كۆرمەي شەھەرلىكلەر شۈكۈرلىك بولماس،
ھەر يىللىقى ھەپتە-ئون كۈن تۇرۇپ كېلىڭلار.
بېرىپ كېلىڭلار، سەھرالارغا بېرىپ كېلىڭلار!
بېرىپ كېلىڭلار، سەھرالارغا بېرىپ كېلىڭلار!