سەن كۈلگەندە كۈلەر گۈل-گىياھ،
سايرىشىدۇ مىڭ بۇلبۇل گويا.
ئۇلغىيىدۇ تېخىمۇ دەريا،
ئەي نىگار كۈلكەڭنى ئۇنىتالمايمەن.

نەۋ باھاردا كېلەر ھىدلىرىڭ،
خىيالىمدا قىيا قاراشلىرىڭ.
دىلدا يانغان بىر قۇياش سۆيگۈ،
ئەي نىگار كۈلكەڭنى ئۇنىتالمايمەن.

يىراقلاردىن يانىدۇ گۈلخان،
ئۇزۇن كېچە قىينايدۇ ھىجران.
سۈبھى دەمدە كۈلىدۇ چولپان،
ئەي نىگار كۈلكەڭنى ئۇنىتالمايمەن.

ساڭا ھېچ بىر ئازار يەتمىسۇن،
چېھرىڭدىن شوخ كۈلكىلەر كەتمىسۇن.
بۇ مۇھەببەت يانسۇن ئۆچمىسۇن،
ئەي نىگار كۈلكەڭنى ئۇنىتالمايمەن.

يىراقلاردا يانىدۇ گۈلخان،
ئۇزۇن كېچە قىينايدۇ ھىجران.
سۈبھى دەمدە كۈلىدۇ چولپان،
ئەي نىگار كۈلكەڭنى ئۇنۇتالمايمەن.
سۈبھى دەمدە كۈلىدۇ چولپان،
ئۈمۈدۈم ئۈزۈلمەيدۇ ھەر قاچان.
ئارمانىم ھاياتىم سەن ھامان.