قەدىرلىمەس بولدۇق ئاش-ناننى،
ئىزدىن چىقتى ئىنسانلىقىمىز.
شۇ ئەمەسمۇ ئازغۇنلۇق دېگەن،
قېنى بىزنىڭ دېھقانلىقىمىز.

ئوخشاپ قالدۇق قاغا-قۇزغۇنغا،
بارىمىزنى بۇزۇپ-چاچقىلى.
قاقشاپ قالدى رېستورانلاردا،
تائاملارنىڭ بىزدىن ئاشقىنى.

تاشلاندى نان تۆكۈلدى تائام،
ناننى ئىمان دېگەنلەر قېنى.
زاغرا ناننى يامان يىللاردا،
تەستە تېپىپ يېگەنلەر قېنى.

ئازغۇنلۇقنى نان ئىلغان تاپتۇق،
ئازغۇنلۇققا ئىشەنمەس سەۋەب.
كۆرەرى بار ھەددىدىن ئاشقاننى،
ھەشەمەتتە كەتمەيلى ئەبەت.

قەدىرلىمەس بولدۇق ئاش-ناننى،
قەلبىمىزدە ئۇنتۇلدى جۇدا.
دېھقان تۇرۇپ تېگى-تەكتىمىز،
دىيانەتتىن بولدۇققۇ جۇدا.