ۋاپادار نىگارىڭ ئامىتىڭ،
مەدەتكار سۇنماس قانىتىڭ.
سەپەردە بولسا ئۇ يار-يۆلەك،
ئىگىلمەس شەمشادتەك قامىتىڭ.

شۇڭلاشقا نىگارنى ئەزىزلە،
قىل ئۇنى دىلدىن ھۆرمەت.
نىگارنى خار ئەيلەش يىگىتلىككە ياتتۇر،
تولسۇن كەڭ ئالەمگە مۇھەببەت.
مۇھەببەت سۆيگۈگە تولسۇن... سۆيگۈگە تولسۇن كەڭ ئالەم.

مىھرىدىن سۇ ئىچسە دىلىڭ،
ھۆسنىڭدە ئۇرغۇيدۇ دەرمان.
جاپانى يېڭىپ ھەم توسقۇننى بۆسۈپ،
ئۆرلەيسەن چوققىغا قۇچۇپ شان.

شۇڭلاشقا نىگارنى ئەزىزلە،
قىل ئۇنى دىلدىن ھۆرمەت.
نىگارنى خار ئەيلەش يىگىىتلىككە ياتتۇر،
تولسۇن كەڭ ئالەمگە مۇھەببەت.
مۇھەببەت سۆيگۈگە تولسۇن... سۆيگۈگە تولسۇن كەڭ ئالەم... سۆيگۈگە تولسۇن كەڭ ئالەم.