«يىگىن ئىچكىن بۇزۇپ چاچما»، دىگەن ھىكمەت مىراس بىزگە.
بۈگۈن دانالىرىم قايتا، شۇ ھىكمەتنى سالار ئەسكە.
ئەجەپ دەۋران سۈرۈپ ماڭدۇق، گۈزەل ئەتە ئۈچۈن ئەمما.
يېتىڭ قەدرىگە توقلۇقنىڭ، چېلىقمايلى يامان كۆزگە.

مۇزىكا

قەدىرلەش بۇردا ئاق ناننى، پەزىلەت ئەۋجىدۇر بىلسەڭ.
شۇڭا ۋارىس ئېسىل ئەۋلاد، بولۇش شەۋكەت ماڭا سىزگە.
بۈيۈكلەر ئېيتىدۇ دائىم، «بىغەم يۈرمەيلى خوشلۇقتا».
خەتەر تۇيغۇسى كەم توشقان، چوماققا دەل چىقار تۈزگە.

مۇزىكا

شۇ تاپ دۇنيادا سانسىزلار، تېخى ئاچلىقتا، زارلىقتا.
بىلىپ-بىلمەي تۆكۈلدى ئاش، تۆكۈلدى نان ئېشىپ بىزدە.
نىمە خار بولسا بىر كۈنلەر، شۇنىڭغا زار بولۇر ئىنسان.
بۇ ھال تاشلىمىسۇن بىزنى، باھاردىن ئېلىپ «غېرىپ كۈز» گە.
شۇڭا ئوغلۇم ساڭا مەندىن، نەسىھەت بۇ ئىشەنگەيسەن.
«خاراپتۇر داننى خار قىلغان، ماكان ئەھلى» دىگەن سۆزگە.
يىگىن ئىچكىن بۇزۇپ چاچما!