ئەي سابا گۈلشەندە ئۇچرات،
ماڭا ئول جانانىنى.
لەۋلىرى گۈل چىشلەرى دۇر،
كۆزلىرى مەستانىنى.
نۇر چېچىپ گۈل چېھرىسىدىن،
تولغىنىپ كاككۇكلىرى.
خوش كۈلۈپ بېغىمغا كىرسۇن،
ياشنىتىپ ئاستانىنى.

ئەي سابا كۈيۈڭگە قاتقىن،
سۆيگۈگە سادىقلىقىڭ.
سەن بېرىپ يەتكۈز جانانغا،
بۇ ئازاب جەريانىنى.
ۋەسلىدىن يوقتۇر ئۈمىدىم،
تىلىكىم بىرلا ئىدى.
بىر بېقىپ تارتسا ئازابتىن،
مەن كەبى سەرسانىنى.

پەردىسىن ئالسۇن يۈزىدىن،
تويمايىن ھەردەم بېقىپ.
گۈل يۈزى ئالسۇن كۆڭۈلنى،
چېھرىدىن نۇرلار چېچىپ.
تەختى ئىقبال بىرگە كۈلسۇن،
مەن ئۆتەي مۇڭ زار بىلەن.
ئەي سابا يەتكۈز جانانغا،
بۇ كۆڭۈل ئارمانىنى.

ئەي سابا گۈلشەندە ئۇچرات،
ماڭا ئول جانانىنى.
لەۋلىرى گۈل چىشلەرى دۇر،
كۆلەرى مەستانىنى.

نۇر چېچىپ گۈل چېھرىسىدىن،
تولغىنىپ كاككۇكلىرى.
خوش كۈلۈپ بېغىمغا كىرسۇن،
ياشنىتىپ ئاستانىنى.