بۇ دۇنيا ئەسلىدە يىغلاڭغۇ ئەمەس،
بۇلۇتمۇ سەۋەبسىز تۆكمەيدۇ كۆز-ياش.
مېھىر بېرىمەن دەپ قەھرىنى بېرىپ،
قارلارنى يىغلىتىپ ئۆتىدىكەن قۇياش.
مېھىر بېرىمەن دەپ قەھرىنى بېرىپ،
قارلارنى يىغلىتىپ ئۆتىدىكەن قۇياش.

تەبەسسۇم كۆلىدە يىغا كېمىسى،
مەنزىلسىز پەرۋاسىز يۈرىدۇ لەيلەپ.
بىر بۇردا زاغرىغا زار بولغان كەبى،
تەبەسسۇم كۈلكىلەرگە زار بولدۇق ئەجەپ.
بىر بۇردا زاغرىغا زار بولغان كەبى،
تەبەسسۇم كۈلكىلەرگە زار بولدۇق ئەجەپ.

تۇيۇقسىز كەلگەندە يىغا كەلكۈنى،
توغان قۇرىمەن دەپ بولما ئاۋارە.
ئەڭ ئاخىرقى رەت تەبەسسۇم ئۈچۈن،
ئاشىق-مەشۇقلارنىڭ يۈرەكلەرى پارە.
ئەڭ ئاخىرقى رەت تەبەسسۇم ئۈچۈن،
ئاشىق-مەشۇقلارنىڭ يۈرەكلەرى پارە.