كەچۈر «ئۆزۈم»، سېنى ئۇنتۇپ كەتكىنىمنى
ئازاپلاردا يۈرەگىمنى داغلاپتىمەن
«ھالىڭ نىچۈك؟» دېمەپتىمەن ھازىرغىچە
سېنى گويا قورام تاشتەك چاغلاپتىمەن
سېنى گويا قورام تاشتەك چاغلاپتىمەن

مۇزىكا

گاھى جۇدۇن، گاھى داۋان، گاھى چۆلدە
گاھى ئىسسىق تومۇزدا قاقلاپتىمەن
تۇرمۇشنى دەپ، دوست-يارەن دەپ، دۇنيانى دەپ
غەملەرنى يەپ ھېرىپتىمەن، چارچاپتىمەن
غەملەرنى يەپ ھېرىپتىمەن، چارچاپتىمەن

مۇزىكا

ئاسرىماستىن سېنى ئۆزۈم بىرەر قېتىم
ئۆزگىلەرنى سېنىڭدىن بەك ئاسراپتىمەن
ئەي … جانەي …
كەچۈر «ئۆزۈم»، بىلگەن چاغدا قەدرىڭنى مەن
ھالسىزلىنىپ مۇشۇ ھالغا كېلىپ قاپتىمەن، جانەي
كەچۈر «ئۆزۈم»، مىنى كەچۈر!
كەچۈر «ئۆزۈم»، مېنى كەچۈر
كەچۈر «ئۆزۈم»، سېنى ئۇنتۇپ قالغىنىمنى
جانلىرىڭغا تۈمەن جاپا سالغىنىمنى
كەچۈر «ئۆزۈم»، سېنى ئۇنتۇپ قالغانلىرىمنى
جانلىرىڭغا تۈمەن جاپا سالغانلىرىمنى
جانلىرىڭغا تۈمەن جاپا سالغانلىرىمنى
كەچۈر «ئۆزۈم»، مېنى كەچۈر، كەچۈر مېنى!