تارىخىڭ باردۇ، شانۇ-شەۋكەتلىك،
تۇپرىقىڭ باردۇر بالۇ-بەركەتلىك.
ئۆزەڭلا بەرگەن ئۇشبۇ ئەركەكلىك،
ۋەتىنىم سەن جان-جاندىن ئەزىز.

ئ‍اتىلار باسقان شۇ ئۇزۇن يوللار،
زەپەرلەر كۈيى ياڭرىغان يىللار.
شۇڭا غورۇردا سايرايدۇ تىللار،
ۋەتىنىمسەن جان-جاندىن ئەزىز.

شەيتانلار توپا سالسا ئېشىمغا،
كۆزىنى ئالايىتسا تاغۇ-تېشىمغا.
يەنە جاپالار-جۇدۇنلار ئارا،
ۋەتىنىمسەن جان-جاندىن ئەزىز.

تۆھمەتلەر بىلەن ئاق بولسا قارا،
جانلار قىينىلىپ دىل بولسا يارا.
نىمىلەر كەلسە كەلسۇن بېشىمغا،
ۋەتىنىمسەن جان-جاندىن ئەزىز.