كەل نىگارىم بۇلبۇل كەبى خەندان ئۇرۇپ
يەر جاھانغا ھايات بەرگىن كۈندەك يورۇپ
خەندان ئۇرۇپ كۈندەك يورۇپ
كەل نىگارىم كەتمەس بولۇپ

قارا تۈننى يورۇق تاڭغا ئۇلاپ بىدار
يۈرەك ناخشام مۇرادىمنى قىلار ئىزھار
تۈندە بىدار ۋەسلىڭگە زار
بۇنچە تەشنا قىلمىغىن يار

ئايدەك يورۇپ كەلگەن يار
كۈندەك يورۇپ كەلگىن يار
خەندان ئۇرۇپ كەلگىن يار
كەتمەس بولۇپ كەلگىن يار
شوخ ناخشامغا جۆر بولۇپ
خەندان ئۇرۇپ كەلگىن يار

قارا قارا چاچلارىڭنى تال تال ئۆرۈپ
ئەگمە ئەگمە قاشلارىڭغا ئوسما قويۇپ
كەل نىگارىم خەندان ئۇرۇپ
كەل نىگارىم كەتمەس بولۇپ