يارىم سېنى ئەسلىدىم مەن ھىجران ئىچىدە،
سانسىز يۇلتۇز پىلدىرلىغان ئايىدىڭ كېچىدە،
ئىسىڭدىمۇ شۇ ئاق كېچە كۆكتە تولۇن ئاي،
گويا بىزنى مۇبارەكلەپ ئاچقان خۇش چىراي.
ئىسىڭدىمۇ شۇ ئاق كېچە كۆكتە تولۇن ئاي،
گويا بىزنى مۇبارەكلەپ ئاچقان خۇش چىراي.

مۇزىكا

ئاشۇ ئاخشام ئايرىلماسقا ۋەدىلەشكەن بىز،
گۇۋاھ قىلىپ ئاي يۇلتۇزنى ئەھدىلەشكەن بىز.
سەپەر قىلدىڭ يىراقلارغا قالدىم ياش تۆكۈپ،
ساداقىتىم پاك سۆيگۈمنى دىلىمغا پۈكۈپ.
يارىم بىزگە قۇچاق ئاچار ۋىسال چاغلارى،
بىلىنمەيدۇ كېچىلەرنىڭ ئاتقان تاڭلارى.
يارىم بىزگە قۇچاق ئاچار ۋىسال چاغلارى،
بىلىنمەيدۇ كېچىلەرنىڭ ئاتقان تاڭلارى.
يارىم سېنى ئەسلىدىم مەن ھىجران ئىچىدە.