قىزىماس ئايەم ئايەم خوشال،
نەغمە ناۋاسى بولمىسا.
نەۋقىران ئەرلەرنى ئويناتقان،
ساماسى بولمىسا.

نەغمە ئايەم زىننىتى،
باغ زىننىتى ئەنجۈر-گىلاس.
باغ ئەمەس بىر دەشتى-چۆل،
ئەنجۈر گىلاس بولمىسا.

نە ئېرۇر توز زىننىتى،
توز زىننىتى ھۆسنى جۇلا.
قاغىدىن پەرقىسىز تۈمەن خىل،
رەڭ جۇلاسى بولمىسا.

نە ئېرۇر ئەر زىننىتى،
مەرتلىك ئېرۇر ئەر زىننىتى.
ئەر دېگەن كۆپ تۆكسە تەر،
مىننەت تاماسى بولمىسا.

نە ئېرۇر قىز زىننىتى،
قىز زىننىتى شەرمى-ھايا.
ئاي جامالى نە كېرەك،
شەرمى-ھاياسى بولمىسا.