لاچىن بولۇپ ئۇچتۇممەن، كۆل بويىغا چۈشتۈممەن،
كارىڭ يوق يۈرگەن بىلەن، يار كويۇڭغا چۈشتۈممەن.
مۇساپىر دېمەڭ بىزنى، كۆيدۈرۋالىمىز سىزنى،
بىر قاراپ قويۇپ خېنىم، ئوتقا سالىمىز سىزنى.
بىر قاراپ قويۇپ بالا، ئوتقا سالىمىز سىزنى.

دەردى بارلار توۋلايدۇ، سازى بىلەن ناخشىنى،
دەردى بارلار توۋلايدۇ، سازى بىلەن ناخشىنى،
بىزنى يامان دەپ يۈرسە، تېپىۋالسۇن ئوبداننى.
بىزنى يامان دەپ يۈرسە، تېپىۋالسۇن ئوبداننى.

ئاق سۆگەتنىڭ سايىسى بار، مەجنۇنتالنىڭ يوقمىكەن،
ئاق سۆگەتنىڭ سايىسى بار، مەجنۇنتالنىڭ يوقمىكەن،
دۇتتارچىنىڭ يارى بار، راۋاپچىنىڭ يوقمىكەن.
دۇتتارچىنىڭ يارى بار، راۋاپچىنىڭ يوقمىكەن.
بۇ تېرەك ئۆسمەيدىكەن، ئۆسسىمۇ كەسمەيدىكەن،
بۇ تېرەك ئۆسمەيدىكەن (ۋاي)، ئۆسسىمۇ كەسمەيدىكەن،
باشقا ئوت ئۆچكەن بىلەن، يار ئوتۇڭ ئۆچمەيدىكەن.
باشقا ئوت ئۆچكەن بىلەن، يار ئوتۇڭ ئۆچمەيدىكەن.