1.كۇبلىت:
بۇگۈن بىزگە قۇتلۇق كۈن،
تەشنا بولۇپ كۈتكەن كۈن. مۇبارەك!
راسلاپ سورۇن ساھىپخان،
ھەرياقتىن كىلىپ مىھمان،
تىلەپ تىلەك.
قولۇم-خوشنا قېرىنداش،
ئۇرۇق-تۇققان كەسىپداش،
دوست-ئاداش.
كەلدى بەس-بەستە يېتىپ،
ئوتلۇق سالاملار ئېيتىپ ئالدىراش.

ئۆتۈشمە :
مەرھابا مېھمان!
كەپسىز خويمۇ ئوبدان،
بۇگۈن دىدار غەنىمەت.
يۈز كۆرۈشكەن كۈندە،
بولسۇن ھەمرا بىزگە.
كۈلكە شاتلىق ۋە ئامەت،
نەغمە-ناۋا باشلاپ،
غۇلاچلار تاشلاپ.
چۈشۈڭ ئۇسسۇل ساماغا،
تازا ئويناڭ بىر پەس.
دەسسەپ مەزمۇت چەبدەس،
قىلايلى بەزمە راسا.

قايتارما :
كۆڭۈللەر كۈلسۇن، گۈلگە تولسۇن
مەشرەپ سەيناسى.
بېرىپ شاتلىق بىزگە،
يەتسۇن پەلەك كۆككە،
نەغمە ناۋاسى.
كۆڭۈللەر كۈلسۇن، گۈلگە تولسۇن،
مەشرەپ سەيناسى.
بېرىپ شاتلىق بىزگە،
يەتسۇن پەلەك كۆككە،
نەغمە ناۋاسى.

2.كۇبلىت:
ھەرياقتا ياڭرار كۈلكە،
خۇشاللق قىلار جىلۋە.
سالغىن نەزەر!
مەشرەپ بىزگە بىر مەكتەپ،
ئۆگتىدۇ ئەدەپ-ئەخلاق.
دىللار كۈلەر
مەشرەپ ئۇ بىر چوڭ سەينا،
تەلىم بېرەر ساڭا ، ماڭا بارچىگە.
ئۆگىتەر بىزگە پەزىلەت،
ئۇندىن تاپىمىز ئىززەت ئالەمچە.

ئۆتۈشمە:
مەرھابا مېھمان!
كەپسىز خويمۇ ئوبدان،
بۇگۈن دىدار غەنىمەت.
يۈز كۆرۈشكەن كۈندە،
بولسۇن ھەمرا بىزگە.
كۈلكە شاتلىق ۋە ئامەت،
نەغمە-ناۋا باشلاپ،
غۇلاچلار تاشلاپ.
چۈشۈڭ ئۇسسۇل ساماغا،
تازا ئويناڭ بىر پەس.
دەسسەپ مەزمۇت چەبدەس،
قىلايلى بەزمە راسا.

قايتارما:
كۆڭۈللەر كۈلسۇن، گۈلگە تولسۇن،
مەشرەپ سەيناسى.
بېرىپ شاتلىق بىزگە،
يەتسۇن پەلەك كۆككە،
نەغمە ناۋاسى.