ئاپتاپ چىق، ئاپتاپ چىق،
بەش بالاڭنى باشلاپ چىق.
ئاپتاپ چىق، ئاپتاپ چىق،
چاققان بولغىن پارلاپ چىق.
ئاپتاپ چىق، ئاپتاپ چىق،
مۆكىۋالما ئويناپ چىق.
كەل قوشۇلغىن بىزلەرگە،
ئويناي دىسەڭ ئويۇن جىق.

بەش بالاڭ بار ئوتقاشتەك،
ئېغىزلىرى ئويماقتەك.
بەش بالاڭنىڭ ئالدىغا،
ئۇچۇپ بارسام قۇچقاچتەك.
بۈگۈن بايرام بەزمىسى،
قىززىپ كەتتى گۈلخاندەك.
باللىرىڭنى ئېلىپ كەل،
يىپقا تىزغان مارجاندەك.
ماڭا ئاداش بولارمۇ؟
بىزنىڭ ئۆيدە قونارمۇ؟

ئاپتاپ چىق، ئاپتاپ چىق،
بەش بالاڭنى باشلاپ چىق.
ئاپتاپ چىق، ئاپتاپ چىق،
چاققان بولغىن پارلاپ چىق.
ئاپتاپ چىق، ئاپتاپ چىق،
مۆكىۋالما ئويناپ چىق.
كەل قوشۇلغىن بىزلەرگە،
ئويناي دىسەڭ ئويۇن جىق.

بىزنىڭ قازناق قاراڭغۇ،
ئۇلار مۆكىۋالمىسۇن.
ئوچاقتىكى قايناقسۇنى،
پۇتىغا تۆكىۋالمىسۇن.
مۆكىۋالدىڭ قەيەرگە،
تاپالمىدۇق بىز ئىزدەپ.
كەچ بولغاننى سەزمەستىن،
بىز ئوينايمىز كۈن-كۈنلەپ.
بولۇر ئويۇن ئويۇندەك،
بولساق ئاكا-سېڭىلدەك.
پاقىرايمىز ئاپتاپتا،
پىيالىدەك، چىنىدەك.

ئاپتاپ چىق، ئاپتاپ چىق،
بەش بالاڭنى باشلاپ چىق.
ئاپتاپ چىق، ئاپتاپ چىق،
چاققان بولغىن پارلاپ چىق.
ئاپتاپ چىق، ئاپتاپ چىق،
مۆكىۋالما ئويناپ چىق.
كەل قوشۇلغىن بىزلەرگە،
ئويناي دىسەڭ ئويۇن جىق.

نېمە تاپساق تەڭ يەيلى،
سېنىڭ مېنىڭ دېمەيلى.
بالا جانلىق ئانامنىڭ،
قوينىدا تەڭ كۈلەيلى.
ئانام ياقتى تونۇرغا،
يۇمىلاق-يۇمىلاق زاغرىنى.
سېنىڭ مېنىڭ دېمەستىن،
تەڭ يىمەمدۇق بارىنى.

ئاپتاپ چىق، ئاپتاپ چىق،
بەش بالاڭنى باشلاپ چىق.
ئاپتاپ چىق، ئاپتاپ چىق،
چاققان بولغىن پارلاپ چىق.
ئاپتاپ چىق، ئاپتاپ چىق،
مۆكىۋالما ئويناپ چىق.
كەل قوشۇلغىن بىزلەرگە،
ئويناي دىسەڭ ئويۇن جىق.