قىزىماس ئايەم خۇشال نەغمە ناۋاسى بولمىسا،
نەۋقىران ئەرلەرنى ئويناتقان ساماسى بولمسا.

نەغمە ئايەم زىننىتى، باغ زىننىتى ئەنجۈر گىلاس،
باغ ئەمەس بىر دەشىتى چۆل، ئەنجۈر گىلاسى بولمىسا.

نە ئىرۇر توز زىننىتى، توز زىننىتى ھۆسنى جۇلا،
قاغىدىن پەرقسىز، تۈمەن خىل رەڭ جۇلاسى بولمىسا.

نە ئىرۇر ئەر زىننىتى، مەرتلىك ئىرۇر ئەر زىننىتى،
ئەر دىگىن كىم تۆكسە تەر، مىننەت تاماسى بولمىسا،

نە ئىرۇر قىز زىننىتى، قىز زىننىتى شەرمى ھايا،
ئاي جامالى نە كېرەك؟ شەرمى ھاياسى بولمىسا.