يولۇقتۇم، يولۇقتۇما، ھودۇقتۇم،
كۈنلىرىم، بۇ كۈنلىرىم، بۇرۇقتۇم.
يولۇقتۇم، ساڭا يولۇقتۇما، ھودۇقتۇم،
شۇندىن بىرى، بۇ كۈنلىرىم، بۇرۇقتۇم.

مەن سۆيگۇ ئىزھارىمنى،
ئاشىق دەردىم-زارىمنى،
بىلدۈرۈشتىن قورقتىم، قورقتىم.
ساڭا ۋەيران ھالىمنى،
خىلۋەت كۆڭۈل خانەمنى،
كۆرسىتىشتىن قورقتىم، قورقتىم.

ئومىقىم، ئوماققىنە، ئومىقىم،
بۇلىقىم، بۇلدۇقلىغان بۇلىقىم.
بىردەمگىنە سۈزۈلسەڭ،
يەنە ئازراق سۈزۈلسەڭ،
ئايان بولار بىچارە تۇرىقىم.
سەن ئازغىنە كۆرۈنسەڭ،
ماڭا كۈلۈمسىرىسەڭ،
قېتىپ قالار پۇت-قوللىرىم، قان تومۇرۇم.

قارىساڭ مەن ئۇنتۇيمەن ھەممىنى،
كۆزۈڭدىن يوشۇرالماي ھېچنېمىنى.
سىلىساڭ قوللىرىمنى، قولۇمنى،
ھىس قىلمەن، چىن مۇھەببەت گۈلۈمنى.

سۈيى شەربەت بۇلىقىم،
سەن گۈل بەرگىدە بۇلبۇلۇم.
ھاياتتىكى مەدىتىم،
شەۋكىتىم، ھوزۇرۇم.

ھەي تەمەنناز ئومىقىم،
سەن پەقەت مېنىڭ ئومىقىم.
مەنسۇپ ساڭىلا،
بۇ كۆڭۈل ھوزۇرۇم.

ھەي تەمەنناز ئومىقىم،
سەن پەقەت مېنىڭ ئومىقىم.
مەنسۇپ ساڭىلا،
بۇ كۆڭۈل ھوزۇرۇم.
مەنسۇپ ساڭىلا،
بۇ كۆڭۈل ھوزۇرۇم.