ساما سەيناسى، بىرلىك دۇنياسى،
ساما خەلقىمنىڭ، ئاشىق تەشناسى.
ساما، ساما دەيمۇ؟ ساما دەيمۇ؟ باھارغا تاڭ سابا، سابا دەيمۇ؟
نىمجانغا جان دەرمان، مادار بەرگەن، ئۇلۇغ مەلھەم داۋا، داۋا دەيمۇ؟
ساما قاينايدۇ، دوستۇم ساما سال،
ساما تەختىمنىڭ شاھى بولۇپ قال.

مىراس سەن بىزگە ئەجدادتىن، جەسۇر مەردانە كارۋاندىن،
خۇشال بولمايدىغان كىم بار؟ ساما سالغان بۇ مەيداندىن.
ئىناقلىق مېھرى تارالغان، بىز ئوينىغان سامادىن،
خۇشال بولمايدىغان كىم بار؟ ساما سالغان مەيداندىن.
ساما سەيناسى، بىرلىك دۇنياسى،
ساما خەلقىمنىڭ، ئاشىق تەشناسى.

ئەركەكلەر ساماسىغا، زىمىن-ئاسمان قىلۇر خەندە،
ساما سال قان قېرىندىشىم، تاغدەك كۈچ-قۇۋۋەت سەندە.
ساما سالساق كارامەت، ئوت چاقنايدۇ تاپاندىن،
ساما ئۆزى يارالغان، يۈرەكتىكى ساپ قاندىن.
ساما سەيناسى، بىرلىك دۇنياسى،
ساما خەلقىمنىڭ، ئاشىق تەشناسى.
ساما قاينايدۇ، دوستۇم ساما سال،
ساما تەختىمنىڭ شاھى بولۇپ قال.